Dan takaran gwamna a jam’iyyar PDP Maurice Vunobolki Ya Gabatar Da Fom Din Takarar tsayawa Gwamna a jihar Adamawa

 Abuja, Nigeria - May 14, 2026

Ɗan takarar gwamna a jam'iyyar PDP, Maurice Vunobolki, ya gabatar da fom ɗin nuna sha'awarsa na takarar gwamna a sakatariyar jam'iyyar PDP  ta ƙasa, wacce aka fi sani da Wadata House, da ke Abuja, wanda hakan ke nuna wani muhimmin mataki a ƙoƙarinsa na tsayawa takarar gwamnan jihar Adamawa a ƙarƙashin tsarin jam'iyyar PDP.

Mambobin Kwamitin Aiki na Jam'iyyar na Ƙasa ƙarƙashin jagorancin Shugaban jam’iyyar, Hon. Abdulraham Mohammed, sun tarbi Vunobolki a lokacin gabatar da fom ɗin a ranar Talata.

Da yake jawabi bayan kammala karban fom din , kuma shugaban jam’iyyar PDP na  jihar Adamawa ya bayyana wannan lokaci a matsayin wani tsari na siyasa na yau da kullun, yana mai jaddada cewa hakan ya zama sabon alkawari ga mutanen jihar Adamawa.     A cewarsa, burin ya ta'allaka ne akan hangen nesa na haɗin gwiwa don ƙarfafa ayyukan ci gaba da gina jiha mai dorewa, da tsaro, da kuma wadatar  dukkan 'yan ƙasa.

Vunobolki ya kuma nuna godiyarsa ga magoya baya, masu ruwa da tsaki, da kuma masu fatan alheri a fadin jihar saboda ci gaba da addu'o'insu, na karfafa gwiwa, da kuma goyon bayansu da kuma hadin kai.

Ya tabbatar wa mazauna jihar Adamawa cewa tafiyarsa ta siyasa za ta ci gaba da kasancewa karkashin jagorancin mai tawali'u , da kuma tsarin shugabanci mai ma'ana ga mutane.

Ya ce, "Mutane ne sun fi sanin muhimmanci  na gare su," yayin da yake sake jaddada kudirinsa na gudanar da shugabanci mai hade da kowa da kowa da kuma ci gaba mai dorewa a fadin jihar Adamawa.

 A Lokacin Mika fom din a seketeren jam’iyya ya nuna wani muhimmin ci gaba a fagen siyasa mai tasowa kafin takarar gwamna a jihar Adamawa, yayin da ayyukan jam'iyya ke kara karfi a hankali.

Vunobolki ya kammala da nuna godiya ga Allah saboda abin da ya bayyana a matsayin wani gagarumin biki mai nasara da ma'ana a hedikwatar jam'iyyar da ke Abuja.